കടന്നലുകുത്തി  സ്റ്റീൽ   മോതിരം മുറുകി ...

യുവാവ് വലഞ്ഞത്  അഞ്ച്  മണിക്കൂർ 

===================================

 പത്തനംതിട്ട --  ഒരു കടന്നൽ കുത്തിയാൽ  എന്നതാകാന  മച്ചാനെ  എന്ന് ഇനി ആരും ചോദിക്കില്ല  അത്രയ്ക്കാണ് കഴിഞ്ഞ ദിവസം  ഒരു  കടന്നൽ ഒപ്പിച്ച പണി . വീട്  വൃത്തിയാക്കുന്നതിനിടയിൽ  വ്യാഴാഴിച്ച  ഉച്ചക്ക് രണ്ടുമണിയോടെ  പത്തനംതിട്ട സ്വദേശിയായ യുവാവിൻറ്റെ കൈവിരലിലാണ് ഒരു  കടന്നൽ കുത്തിയത് .  കടന്നൽ  കുത്തിയത്  കാര്യമാക്കാതെ  യുവാവ്    മുറിക്കുള്ളിലെ ജോലി തുടർന്നു . ഒരു മണിക്കൂറ് കഴിഞ്ഞപ്പോൾ  ഇടം കൈയിൽ  ചെറിയ വേദന . മോതിരവിരലിലേക്ക്  നോക്കിയ  യുവാവ് ശെരിക്കും ഒന്ന്  ഞെട്ടി  കാരണം  മോതിരത്തിന് ഇരുവശവും  നീരു വെച്ച്  വീർത്ത്  പൊങ്ങി വരുന്നു  സ്റ്റീൽ  മോതിരം മുറുകാൻ തുടങ്ങിയതോടൊപ്പം  വേദനയും  തുടങ്ങി . ഇതിനിടയിൽ  മോതിരം ഊരാനുള്ള  ശ്രമവും  ആരംഭിച്ചു .പക്ഷെ  എന്തു ചെയ്യാം  അഴിക്കുംതോറും  കുരുക്ക്  മുറുകുന്നു  എന്ന് പറയുംപോലെയായി  അവസ്ഥ . വീട്ടുകാരും കൂടെ  ചേർന്നു   ആകുന്ന പണി അമ്പത്തിയെട്ടും  പയറ്റി   പക്ഷെ  നോ രക്ഷ . ആരുടെയോ  ഉപദേശത്തെ തുടർന്ന്  ഒട്ടും സമയം കളയാതെ വണ്ടിയിൽ കയറി   നഗരത്തിലെത്തി . പോലീസ് സ്റ്റേഷൻ  റോഡിലെ     സ്വർണ്ണക്കടകളിൽ  കയറി  ഇറങ്ങി   അവരും കൈമലർത്തി .  ഫയർ ഫോഴ്സിലേക്ക് ചില  വഴിയാത്രക്കാർ കേസ് റെഫർ ചെയ്തു .ഇതിനിടയിൽ  ഗണേഷ്  ജ്വുവലറിയിലെ  ഗണേഷ് മോതിരമൂരാൻ  ശ്രമം തുടങ്ങി .വിരലിൽ  മുറികി കിടക്കുന്ന സ്റ്റീൽ മോതിരത്തിൽ അരം കൊണ്ട് രാകാൻ തുടങ്ങി . കാര്യമായ  മാറ്റമുണ്ടാകുന്നില്ല  എന്ന് മനസിലായതോടെ  മറ്റു പല  മാർഗങ്ങളും  പയറ്റി .  രണ്ടും കൽപ്പിച്ച്  മോതിരം വലിച്ചൂരാനുള്ള ശ്രമം തുടങ്ങി .  ഒറ്റനോട്ടത്തിൽ  രണ്ടു പേർ   വടംവലി പോലെ  നടത്തുന്ന പോലെയൊരു  പ്രകടനം  ഒടുവിൽ ഷാംമ്പു  പൊട്ടിച്ച്  വിരലിൽ  തേച്ച് ഒട്ടും ദയയില്ലാത്ത  ഒരു വലിയിലൂടെ  മോതിരം പുറത്തെടുത്തു .    ഇനി മേലിൽ   സ്റ്റീൽ  മോതിരമിടില്ലന്ന പ്രതിഞ്ഞ  ചെയ്തുകൊണ്ട്  യുവാവും  വീട്ടിലേക്ക്  മടങ്ങി .........